2019 жылдың 4-9 желтоқсаны аралығында Астана қаласы №1 қалалық ауруханасының медицина қызметкерлері  "Орталық экономикалық мектебі" және № 52, 63, 64 мектептері оқушыларының ата - аналары арасында МӘМС-ды енгізу бойынша ақпараттық-түсіндіру жұмысын өткізді.

Баяндамашылар бас дәрігердің медициналық қызметтер сапасын бақылау және инновация қызметі жөніндегі орынбасары Абдуллаев Б.Ю, амбулаториялық колопроктология орталығы мен консультациялық-диагностикалық және күндізгі стационар бөлімшесінің кардиолог- дәрігері Бейсенбиев Н.А. және СӨС мейіргері Ахметова А.С. болды.

Оқушылардың ата- аналарының МӘМС-ды енгізудің негізгі мәселелері бойынша тегін ақпарат алуға және оларды қызықтыратын сұрақтарды қоюға мүмкіндіктері болды. Бұдан басқа, арнайы құрастырылған кітапшалар мен бүктемелер таратылған.