Терроризмге қарсы қауіпсіздікті қамтамасыз ету жөніндегі іс-шаралар шеңберінде Бірінші қалалық ауруханада қызметкерлер үшін «Террористік тұрғыдан осал объектілерді терроризмге қарсы қорғауды ұйымдастыру» тақырыбында дәріс өтті.

Дәрісті Астана қаласы полиция департаментінің қызметкері Амир Маратов өткізді.                 Амир Маратович тыңдаушыларға терроризмнің негізгі қауіптері, олардың алдын алу және жолын кесу шаралары, сондай-ақ террористік акт жағдайында жүріс-тұрыс ережелері туралы айтып берді.

Аурухана аумағында қауіпсіздікті қамтамасыз ету мәселелеріне ерекше назар аударылды. Қызметкерлерге күдікті заттарды немесе адамдарды анықтау кезіндегі іс-қимыл тәртібі, сондай-ақ эвакуация жағдайында іс-қимыл алгоритмі түсіндірілді.

Аурухана басшылығы Астана қаласының полиция департаментіне, Амир Маратовичке дәріс өткізгені үшін алғыс білдіреді және мекеменің терроризмге қарсы қорғалу деңгейін арттыру үшін осындай іс-шаралардың маңыздылығын атап өтті.