2015 жылғы 23 қазанда Астана қаласының №1 Қалалық аурухана және Синьцзян-Ұйғыр автономдық аудан Халықтық аурухана арасында денсаулық сақтау саласында ынтымақтастық туралы өзара түсіністік меморандумына қол қойылды.
Меморандум екі аурухана арасындағы ынтымақтастықтың жалпы шеңберін суреттейді және нақты жобалар бойынша келісімді бекітуге бағытталған бірішні қадам болып табылады.
Осы Меморандум аясындағы ынтымақтастықтың негізгі бағытттары:
- Ғылыми, білімдік, әдістемелік және тәжірибелік қызмет саласында бірлесе қызмет жасау.
- Бірлесе зерттеу жұмыстары жүргізу және жаңа технологияларды және инновациялық әдістерді пайдалану туралы тәжірибемен бөлісу.
- Мамандардың біліктілігін арттыру бойынша қазіргі формаларды және әдістерді бірлесе ендіру,бірлесе оқыту семинарларын, тағылымдамаларды, шеберлік класстарын ұйымдастыру.
Негізгі меморандумға қол қоылғаннан кейін Астана Қаласының №1 Қалалық аурухананың мәжіліс залында Синьцзян-Ұйғыр автономдық аудан Халықтық аурухана мамандарымен «Лапароскопия» тақырыбында дәріс оқытылды.
Ынтымақтастық туралы Меморандумға қол қою – емделушілердің емдік көрсеткіштерін жақсарту және оны қолдауға бағытталған маңызды қадам, себебі бір мақсатқа бағытталған бірлескен жұмыс халыққа көрсетілетін медициналық көмек сапасын арттыруға жәрдемдеседі.
